Us din ek toota tara deka, laga jaise kisi ka haath dekha,
yeh manzar kabhi pehle bhi unhi hota tha, par tab dost mera kahin kareeb hi baitha hota tha,
raste ke kinaaron par hamari gaadi hoti, baatein kaeen aur dil mein tamannaein hoti,
chuskiya woh garam chai ki kabhi jeeb jalati, toh kabhi bheege kapdo mein barsaat ki khusbu aati,
chal padte yuhi hum safar par aise hi, na dar na fikr bas humari baatein aur tej raftaar gaadi hoti,
kaash yeh duniya itni badi bhi naa hoti, paas rehkar bhi yu duriya na hoti,
kya farq padta ke hum bade hi na hote, usi galiyaare mein golgappe ki dukaan par aaj shaam mil paate,
par zindagi badti gayi hum bhagte rahe, itna bhaage ke woh haath kahi chut gaya,
kyu yeh toh nahi pata, par kaha hai iska ilm hai mujhe, bas haath badhane ki der hai........
No comments:
Post a Comment